ދުޢާކުރެޔޭ
2021-07-14 . Written by Yameen
މި ދޭހުން ރީތިހާ އެއްޗެއް ތިބާ ފެނިފައި ހިމޭންވެލަޔޭ
ތެދޭ ތިޔަ ރީތިކަން ލިބުމަށް ހިތުން އެދިގެން ދުޢާކުރެޔޭ
.
އެ ޖާދޫވީ އަލިން ބިން އަލިކުރާ އަލިއަލި ހަނދާ ތަރިވެސް
އުޖާލާ މޫނު ފަދަ ރަން އަލިކަމަށް އެދިގެން ދުޢާކުރެޔޭ
.
އޮމާން ބިއްލޫރި ލޯގަނޑަކަށް ހިޔަންޏެއް އެޅިލިއަސް މިތުރުގެ
އޮމާން ކަން މަރުމަރީ ހަމުގައި ތިވާ އެދިގެން ދުޢާކުރެޔޭ
.
މަލާމެލި ފޮޅިލަމުން ވެސް އޭގެ ކުލަތައް ރީތި ފިޔަތަކުގައި
ކަލާގެ ކޮލަށް އަރާ ރަތްކުލަ ޖެހުން އެދިގެން ދުޢާކުރެޔޭ
.
ޖަމީލީނުން ތެރޭ އޭނާގެ ސާހިބު ނެތް ކަމަކު ހިމެނޭން
ޔަމީނުގެ ދެރަ މިހިތް ވެސް ހަމަ ތިބާ އެދިގެން ދުޢާކުރެޔޭ