ހަނދުވަރުގެ ޢާޝިޤު
2021-06-08 . Written by Yameen
އަނދިރި ކުޑަކުޑަ ޖިފުޓިގަނޑުގައި ދެރަ މަގޭ ހުރި ބާގަނޑުން
ހަނދުގެ އަލި ދެމިގެންފިއޭ އަންގާލުމެއްނެތި މަޑުމަޑުން
.
އެކަނިވެރި އަހަރެން ދަމާލީމޭ ދެ އަތް ވީ އުފަލުގައި
އެކަމުވެސް ހަނދުވަރު އިޝާރާތޭ ކުރީ ދެ އަތާ ކނޑުން
.
ހޯހޮއޭ! ނާންނާށެ އިންސާނާއެ ގާތަށް އަހުރެނާ
ހޯދިއަސް އަހަރެން ނެތޭ މި ދެމެދު މިވާ ދުރުކަން ކެނޑުން
.
އަތް ތިބާއަކު ނުލެވެޔޭ މި ދެއަތް އެކީ ގުޅުވެން ނެތޭ
ހިތް އެހާ އެދުނަސް ނެތޭ ބަސް ބުނެލެވެން ވެސް ހަރު އަޑުން
.
ވީ މޮޅިން އެ ވަގުތު ހަނދުގެ އައްޔާ މުހާތަބުކށް ބުނިން
ހީ ނުކޮށްލާށޭ ތިހެން އެރުވޭނެޔޭ އަޒުމަށް ގުޑުން
.
ބޭރު ތެރެއަށް ނުކުމެ މަގުތަކުގައި ދެއަތް ވެސް ހޫރަމުން
ރޭރު ވެވިގެން ދުވެ ހެދީމޭ އޮއްސިދަންދެން ހަނދު އުޑުން
.
ނުލިބުނޭ ކުޑަ މިންވަރެއް ވެސް ހަނދުގެ ނަލަނަލަ އަލިކަމުން
ހުލިވެ ވަރު ދެ ކަކޫ ޖެހީމޭ އޮއްސިދަންދެން ހަނދު އުޑުން
.
އޮއްސެމުން ދިޔަ ހަނދުގެ ފަނޑުފަނޑު ދޯދިތައް މި ކަމާ ހެމުން
އިޝްޤަވީ ވާ މަސްތެކޭ ބުންޏޭ އިޝާރާތުގެ ބަހުން