ޤިޔާމަތަކީ މިއީތާއޭ
2021-07-11 . Written by Yameen
ދޮގާ މަކަރާ އުފުއްލިއްޖޭ، ނަޒާހަތަކީ އެއީތާއޭ!
ހަގީގަތް ވެއްޓި ދަށުވެއްޖޭ، ފަސާދަތަކީ އެއީތާއޭ!
.
ޝަރާބޭ ބުއިމަކަށް ރަނގަޅީ، ޙަރާމޭ އުޅުމަކަށް ރަނގަޅީ
ޝަރީފުންނަށް އުޅެން ދެއްކެވި ހިދާޔަތަކީ އެއީތާއޭ!
.
ކުށެއްވީ ނަމަ އެ ކުށް ފޮރުވާ، އެއަށް ފަސްލާ، އެ ފަސްގަނޑުގައި
ނިކަން މޮޅު ގަނޑުވަރެއް ހެދުމީ، ޢަދާލަތަކީ އެއީތާއޭ!
.
ކުރުން ލާޒިމް އެތައް ކަމަކުން ރެކެން މޮޅު ގޮތްތަކެއް ހޯދާ
ހުރުން މާ ރީިތި ނަންވެވިގެން، ލަޔާޤަތަކީ އެއީތާއޭ!
..
އޮޅިއްޖޭ! ހެޔޮ ގޮތެއް ނޭނގޭ މިހާރަށް އައިސް މިދުނިޔޭގައި
އުޅޭ މުސްކުޅިވެރީން އެކިޔާ ޤިޔާމަތަކީ މިއީތާއޭ!